港漂论坛

「港區國安法」終於落實，「港區國安法」講到明要懲治四類行為及活動，如果用呢四個準則去衡量，咁一定包括香港眾志嘅黃之鋒！
黃之鋒在節目中被問道「港區國安法」會有咩影響時，又開始帶大家「遊花園」，一時話「以言入罪」，一時又話自己周圍「遊說」，只係言論上嘅「主張、交流」，唔涉及任何實質行為；
最可笑嘅，係黃之鋒攞自己周圍唱衰香港、請求「制裁」，同特區官員出訪作類比，大概意思係話香港政府嘅特首、官員都有去美國交流啦！唔通咁又叫「外國勢力干預香港」？！
呢種比較方式，真係只有厚顏如黃之鋒先講得出口。
特首、官員出訪，係官式訪問，係為香港爭取利益；
黃之鋒之流，係周圍叫人「制裁香港」，根本兩個截然不同嘅概念！
依家「港區國安法」可以話係如劍高懸，黃之鋒內心驚唔驚？
黃之鋒呢幾年如何賣國賣港、做過啲乜，自己心知肚明，例如去美國國會聽證會呼籲通過用嚟「制裁香港」嘅《香港人權及民主法案》；
又例如公開要求美國將「制裁」加辣…等等，黃之鋒千祈唔好以為港人唔記得，更加唔好以為中央會不聞不問，日後「港區國安法」實施，黃之鋒如果仲要繼續做呢啲嘢，結果其實只會得一個。
今天黃之鋒仲對住新聞鏡頭，好囂張咁叫「北京懸崖勒馬」，假以時日，呢句話請黃之鋒留番自己受用吧！
[media]https://youtu.be/zgBzXzkqqhU[/media]