因為驚用Starbucks嘅Wi-Fi唔安全會俾人hack，所以都係靠自己手機數據分享出嚟上網最穩陣，做完公司野再上下YouTube 同討論區或者睇吓邊度有口罩賣，點知掛住上網，d數據倒水咁倒，未夠半個月就爆咗，真係嚇親我。
我用開聯通6GB plan，唔係太多數據，不過貪佢有大陸數據，返大陸唔使用漫遊上網。我平時都係返工搭車上下網，公司同屋企都係用Wi-Fi，所以都夠用。係而家疫情嚴重，大家都要work from home，所以先咁快爆數據。唯有用住香港數據組合買數據，頂住先。
一開始買咗兩次5GB，但係一個星期就用晒。跟住我就買香港數據組合入面最抵買嘅$180/20GB，買咁多唔怕用唔晒，因為啲數據係用到當月嘅最後一日，唔會受到截數日影響。
佢哋官方網站都寫得好清楚，應該係得佢哋一間電訊商咁樣計算香港數據組合，對用家來講都幾着數，所以我呢個月一到月頭就買咗20GB先，可以慢慢滅呢20GB，之後啲日子就唔使限住上網。而且買呢啲香港數據組合都好方便，只要好似上面張圖send個SMS就可以，跟住就可以即刻用新買嘅數據上網。可以參考下佢哋官方網站。
雖然買咗香港數據組合，但係我都會定期去check住d數據用咗幾多，依家可以用中聯通嘅手機Apps，即係My Cuniq，又或者上佢哋官網登入都可以。
經過呢兩三個月，我已經慢慢習慣新嘅工作模式，亦試過晒Starbucks嘅咖啡口味。先專心工作，然後上網消磨一陣時間，就返屋企同小朋友食飯同埋教佢地做功課。其實時間都幾緊迫同埋精神消耗都大，如果唔係中間上一陣網放鬆下，真係頂唔住。所以每個月比多一百幾十蚊買香港數據組合，真係唔慳得！